अवकाश लक्ष आहे……

थांबू नकोस आता
अनिरुद्ध^१ तूच आहे
आकाशी घे भरारी
अवकाश लक्ष आहे……

हृदयात स्फुरण राहो
मनी शक्तीपुंज तळपो
बाहूत दशगजांचे
सामर्थ्य सतत राहो……..

आसमंत अनन्त आहे
आभा^२ तुझ्या मनात
इच्छा प्रगल्भ राहो
यशवंत हो जगात……..

ब्रम्हांड भरून आहे
तेजस्विता^३ मनात
संकल्प दृढ राहो
प्राप्नोति^४ कीर्तिस्तम्भ^५……

विज्ञान-ज्ञान लाभो
स्मरणात संस्कृती ही
हृदयात धर्मदीप
राहो सदा प्रदीप्त^६……..

धनवान बुध्दीमंत
ब्रम्हज्ञ^७ ध्येय राहो
विश्वातली प्रमेये
त्वम^८तत्^९ प्रतिकरोति^१०……..

मुकुंद भालेराव
दिनांक: ०६-६-२०२३
दुपारी: १५:३७

(०१) अनिरुद्ध = मुक्त, स्वतंत्र (०२) आभा = प्रकाश, दिव्यप्रकाश
(०३) तेजस्विता = शक्तीमान, शूर (०४) प्राप्नोती = प्राप्त होणे, मिळणे
(०५) कीर्तिस्तम्भ = प्रसिद्धीची खुण (०६) प्रदीप्त = तळपत
(०७) ब्रम्हज्ञ = सर्वज्ञ, सर्व ज्ञान असणारा (०८) त्वम = तू
(०९) तत् = ते (१०) प्रतिकरोति = सोडविणे, उपाय शोधणे